Gosos de Edvige Carboni

Edvige servidora
De Deus nostru Segnore
pro nois Ses Aurora,
de paghe e de amore.

Naschida in Puttumaggiore
Ses pro grazia divina;
pro issu ses Reina,
de paghe e de onore.

A s’avrescher’e ogni die,
t’invocat d’ogni cristianu,
ti pregant a coro in manu,
tue candida che nie.

A sas penas de su dolente,
nd’asciuttas a issu su piantu,
a Deus lu faghes presente,
e pregas pro s’emigrante.

In s’altare cunt onore,
ti c’hant postu servidora,
beneita siet cuss’ora,
ses sa lughe e su candore.

Sas piaes has supportadu,
chenza pena dimustrare,
cunt su samben samunare,
s’umanu da su peccadu.

Ses che lizu dilicadu
Chi fiorit ogni die.
Invocamus tott’atie.
LiberaNos da su peccadu.

In Albano hant sepultadu.
Sa Santa tua carena,
no mos lasses in pena,
torra’ a su nid’ imbetzadu.

Ca tantu l’has amadu,
de sa lughe tua nd’est pienu,
Puttumaggiore serenu,
tantu t’had’ isettadu.

Edvige servidora, de Deus Nostru Segnore
Pro nois se Reina, de paghe e de amore.

Umberto Curcu

Lascia un commento

Il tuo indirizzo email non sarà pubblicato. I campi obbligatori sono contrassegnati *


The reCAPTCHA verification period has expired. Please reload the page.